Search just our sites by using our customised search engine

Unique Cottages | Electric Scotland's Classified Directory

Click here to get a Printer Friendly PageSmiley

A Keach in the Creel

Mysie she went up the street,
Some fresh fish for to buy,
And a wee toon-clerk, he heard her feet
An he followed her on the sly.

Refrain: Ricky doo dum day, doo dum day,
Ricky dicky doo dum day.

'Whit wey will I get tae yer bed, ma love,
Whit wey will I get tae yer bed?
Ma mither she locks the door at nicht
And the key lies under her head.' (Refrain)

'If ye get a ladder along
Some sixty steps an three,
An wi a lang rope tae the chimney top,
And ye'll come in a creel tae me.' (Refrain)

It's noo he's got a ladder along
Some sixty steps an three.
An wi a lang rope tae the chimney top
An he's com in a creel tae me. (Refrain)

Nae peace nor rest could the auld wife get,
Strange things come in her heid.
'I'll wager ma life,' says the silly aul wife,
'There's a man in ma dochter's bower.' (Refrain)

The aul man rose, pit on his clothes
To see if it was true,
But she got a Bible in her hand
An in the curtains drew. (Refrain)

'Oh father dear, whit wey ye're up so late.
When ma mither she locks the bed at nicht
And the key lies under her head.' (Refrain)

'Ye silly aul wife, ye lyin aul wife,
An an ill death may ye dee!
When yer dochter's lying in her bed,
And she's prayin for you an me.' (Refrain)

The aul wife she rose an put on her clothes
To see if it was true
But she caught her fit in the tumbling-block
And into the creel she flew. (Refrain)

Them 'at was at the chimney-top
They thocht it was naethin new;
But they thocht it wis the wee toon-clerk
So up the creel they drew. (Refrain)

But when they saw it wis the aul wife
They let the creel doon fa',
And every rib o the aul wife's back
Played nick-nack on the wa'. (Refrain)

It's oh, the blue, the bonny bonny blue,
The blue that I lo'e weel;
Let ilka aul wife be jealous o her dochter
Be rockit in the same aul creel. (Refrain)

  Return to Poetry & Stories


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus