Search just our sites by using our customised search engine

Unique Cottages | Electric Scotland's Classified Directory

Click here to get a Printer Friendly PageSmiley

Poetry
Poems of Annie McLean
Auld Nick


 Look oot! Look oot! Dinna shout!
The Bogey Man, Auld Nick, he's about!

Noo coorie doon upon yer hunkers
An' haud yer wheest by the bunkers
Fer if Auld Nick hears ye greetin'
Ye kin be sure o' a helluva beatin'

Look oot! Look oot! Dinna shout!
The Bogey Man, Auld Nick, he's about!

Then when ye canna hear nae mair
Staun up, look roon an' run fair sair
Tae the ootside lavvy an' git yersel in
An' bolt the door withoot muckle din.

Look oot! Look oot! Dinna shout!
The Bogey Man, Auld Nick, he's about!

Then when ye've done an' flushed awa'
Run helter skelter back tae yer Ma.
Say guid nicht tae a' yer kith an' kin
An' git yersel tae bed wi a smirkin' grin.

Look oot! Look oot! Dinna shout!
The Bogey Man, Auld Nick, he's about!

But jist ye mind when ye git in tae bed
The de'ils about an hasnae been fed,
So look un'erneath an' on the flair
Tae mak sure he is nae lurkin' there.

Look oot! Look oot! Dinna shout!
The Bogey Man, Auld Nick, he's about!

© Annie McLean 14.08.00

 Return to Annie McLean's Page


 


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus

Quantcast