Listen to the song here if it doesn't play automatically
The song will play in a new window allowing you to follow the words as you listen to the song.

Sung by 'Kev' frae Fife

There's naught but care on ev'ry han,
In ev'ry hour that passes, O!
What signifies the life o man,
An 'twere na for the lasses O?

Chorus:
Green grow the rashes O!
Green grow the rashes O!
Well the sweetest hours that e'er I spent
Were spent among the lasses O!

The wardly race may riches chase,
An riches may fly them, O!
At last they catch them fast,
Their hearts can ne'er enjoy them, O!

Chorus:
Green grow the rashes O!
Green grow the rashes O!
Well the sweetest hours that e'er I spent
Were spent among the lasses O!

But gie me a cannie hour at e'en
My airms aboot ma dearie, O!
An wardly cares an warldly men,
They aa gang tapsalteerie, O!

Chorus:
Green grow the rashes O!
Green grow the rashes O!
While the sweetest hours that e'er I spent
I spent among the lasses O!

For you sae douce wha sneer at this,
Ye're not but senseless asses, O!
The wisest man the warld e'er saw,
He dearly loo'd the lasses, O!

Chorus:
Green grow the rashes O!
Green grow the rashes O!
While the sweetest hours that e'er I spent
I spent among the lasses O!

Auld Nature swears the lovely dears,
Her noblest work she classes, O!
Her prentice han she tried on man,
An then she made the lasses, O!

Chorus:
Green grow the rashes O!
Green grow the rashes O!
While the sweetest hours that e'er I spent
I spent among the lasses O!