Lyrics composed by John Henderson on the 10th of July, 2015,
to W.R. Williams' 1919 music for the song, 'Don't You Remember The Time'
Glossary:
sin=sun; aik=oak; crapt=crept; happed=covered; chunnered=murmured;
smeerichs=kisses; wuss=wish; insnorlit=entangled; weer=wear

INTRODUCTORY MUSIC ....

Waarmed by the sin, doon by the sea
Ooner an auld Aik tree;
Claise oan the saans, ticht haudin hans,
Winnerfu aye it'd be;
I eest tae fusper, "Ay, Jeannie quine,
Ae day I howp ye'll be mine."
Fan lang-shaddas-crapt, an' wee starns wi' cloods wur happed,
An' the douce wee-waavs quaitly-chunnered as they slaa lapped,
We'd coorie 'wa doon ay'en oot cam the mune,
An' i' lang smeerichs we'd droon !
Gif the cloods wud clair, an' bricht starnies wud appear
Sich wud nivver baither us frae syne daen fit we'd wuss !
We'd bide insnorlit, wi'oot ony fichts;
Och ay ! I weel mynd thase nichts

Waarmed by the sin, doon by the sea
Ooner an auld Aik tree;
Claise oan the saans, ticht haudin hans,
Winnerfu aye it'd be;
I eest tae fusper, "Ay, Jeannie quine,
Ae day I howp ye'll be mine."
Noo fan shaddas crap an' starns wi' cloods aft weer a hap,
An' the douce wee-waavs quaitly-chunner as they slaa lap,
I sit oan ma lane, nae smeerichs fur me,
Fur I loast Jeannie, ye see.
Sae fan cloods noo clair an' mune or starns appear,
I bide awa frae the sea an' aa nicht campin tee.
Losh there's Widda Ann, I micht chynge ma plan !
Och ay noo ! I cud be her man !