Search just our sites by using our customised search engine

Unique Cottages | Electric Scotland's Classified Directory

Click here to get a Printer Friendly PageSmiley

Johnny and Jessie


Lyrics composed by John Henderson on th 2nd of May, 2014,
to part of a Scottish Dance tune called, 'William Atkinson'.

Glossary for less obvious words...
widder=weather; pairly-pearly; mangin=yearning; spooner= suitor;
kittle=anger; kitlin=kitten; sanshach=saucy; mou=mouth; narhan=nearly;
pree=taste; dinna fash yer thoom=don't worry.

O Jessie wi yer dainty feet,
An kilted wee-skirt sae-sae smert an neat,
Gif ye me seen wud care to meet,
I'd ging wi ye e'en gif the widder's weet.

O Johnny lad pleese bide a wee,
An thenks for a' thase couthie wirds tae me,
Bit I've ne'er hud a thocht to see
A gowk like's o' ye nar the trystin tree !

O Jessie wi' yer braw pairly fite broo;
Yer chiks aye-sae smeeth an yer een sae blue;
I canna live withoot aye aft mangin for you
Ilk mornin, nicht, an in the gloamin too.

O Johnny, ye're nae gran spooner ava,
Fur if ye'd ony thochts o' fit maks luv braw,
Ye wadna staun' sae far awa,
As gif tappin' me micht kittle Pa !

O Jessie, quine, ma luv it is true,
Sae, cuddle-in claise like a kittlin sma,
An seen I'll dit yer sanshach mou,
An narhan I'll tak a' yer breith awa !

O Johnny, ye wull ma jo be,
An kisses I wull gledly noo gie tae ye;
Guid sakes I ken ye'll like the pree,
An wint them ilk nicht an ilk mornin tee !

O Jessie, let's ging syne speer o' yer Pa
Gif I micht noo hae yer wee han an a';
I howp he wullna say 'Na, Na, Na, Na !'
Fur athin in oor baith wirlds wud fa !

O Johnny lad dinna ging fash yer thoom,
Fur seen we'll be jimpin heich ow'r the broom;
In daylicht syne we'll ca the loom,
Bit mak luv ilk nicht in oor ain wee room !


Return to John's Poetry Page


 


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus

Quantcast