Lyrics composed by John Henderson on the 31st of December, 2012
to Mabel Wayne's 1949 music for the song, 'A Dreamer's Holiday'.

Tak a richt guid willie waught an' hansel the New Year;
Dince aroon tae guid Scots teens an' mak an unco steer
In the hoose an' doon the street wi' ilka tristy fiere,
Fyle ye're stappin' cantily.

Chap the doors o' neebor fowks an' mak an unca din;
Ne'er they'll be unceevil like an' nae inveet ye in,
Fur ilk chiel maun welcome ye, anse yon wud be a sin
Int sma oors o' New Year's Day.

Dinna bide lang 'fore meevin';
Ae dram wull be aneuch
Tae kep yer auld-heid frae spinnin',
An' mak yer moo neist morn ow'r reuch.

Mynd thit at the skreek o' day tae tak a wee bit snooze;
Dinna ging oan quaffin' drams o' guid Glen-malted booze,
Fur fan comes yer denner-time ye'll wint tae be fair croose,
Fyle ye aet oan New Year's Day.


Repeat!
And tak guid heed!