Lyrics composed by John Henderson on the 30th of March, 2012,
to Theodore F. Morse's 1903 music for the song, 'Dear Old Girl'.

Ledi Ben's deep wintry snaws haud oan it;
Lubnaig Loch labs-oan cauld bit douce aneth it;
Dreich Merch's reyns are threetnin
Frae bleck an' cankert cloods' slaa dreeftin,
Fyle the East wins' throats are reddit
Tae seen clair the lift fur sin.

Sooth-Wast wins an wan sin slaa meeve the snaw frae Ledi;
Skelpin burns plunge-aff the Ben fair roydly
As Awprilie's gift tae Lubnaig,
Fa is a gutsy, thristy lochan,
Aft deev'd by fell-scree sklytin
Tae whilk reyns len a han.
Hull-waukers rarely fin yon snaw in simmers,
Bit's nae surpreese up-tap fur winter climmers;
Ma chyse is aye September
Fur a day up tap tae remember
Frae the sichts o' Bens' splendour
In auld Scotia's Autumn wedder.