(Unexpected Weather)

Lyrics composed by John Henderson on the 22nd of September, 2011,
to Walter Donaldson's 1917 music for the song, "I've Got The Nicest Little Home in Dixie".

I hud jist sterted soomin fan the reyn cam fairly stottin doon;
Sich unexpeckit widder fan September comes aroon;
Espeeshully in Cyprus faar aye a bricht sin seems tae sheen;
Bit I winted tae kep soomin till weel efter it wis deen.
The pitter-patter reyn-draps an the jilpies leuked sae braw;
The waater feelin cweeler wis nae baithersome, nae-nae ava;
Ma neebors in thur kitchie lauched oot-lood fan seein me,
Bit I jist kept richt oan soomin an syne smilin merrily.

Bit a wee rummle up abeen fan reyn kept helter-skelt'rin doon
Gat me a-wonn'rin quaitly gif I wis a glaikit loon;
Fur forky-lichtnin cud be sae-fell fur ony chiel ootbye;
Sae I seen clim'd oot the waater an syne skycit tae git dry.
The splishy-sploshy reyn-draps an the jilpies deed awa,
Bit ma weet-tool hingin oan the chair I didnae luft, nae-nae ava;
Ma kimmer oan the doorstap lauched oot-lood fan seein me;
Neist she syne shakt her heid afore she speer'd, "Dae ye wint a wee dram o' bree?"