Lyrics composed by John Henderson on the 23rd of September, 2010
to the 1936 tune for, "There Are Two Sides To Every Story".

Dod a gangrel wis hunker'd oot-by his camp-fire,
Faar the sodden bit twigs gied aff smeek;
He syne blaw'd tae gar the sypit-wid mak a lowe,
An seen stang'd his een wi the reek.
His biggin wis the raggit tent he cairried in his sack;
A peer-like bield fan wins wur snell an reyn poor'd oan his back;
Fit wye he cud thole an oorlich life the likes o' yon,
The slee auld body wud affen tell .....

"A life in-bye has ne'er been the gate fur me;
Nor wirk far I micht airn a fee;
Let ither chiels dree oot thur dool daily darg;
I'd raither suffer an aye be free.
Ma biggin's jist a raggit tent I cairry in ma sack;
Eneugh a bield fan wins are snell an reyn poors oan ma back;
Fit wye I aye wull thole a thereoot life the likes o' yon,
Ye'll noo be kennin lad, as I hiv telt."