|
Thinking back to holiday
harvesting in Kippen in the 1970s,
John Henderson has composed the following
lyrics ....
Listen to music here
Brief introductory music ....
The hairst at the Frew
his been hinnert by reyns,
Bit noo wi stooks dry, they're gien it a
try;
The swate oan
ilk warker is poorin in shoo'rs,
Whilk it disna fan tentin kye!
As the sin sheens aa day
wi'oot mercy,
It
is thrist mair than sair hans gies peyn;
Nae cloods in the lift mak chiels wonner
gif
They shudna
prig fur mair reyn!
Fan it's noon-time aa stap-aff fur denner
Wi gran swallies o' thrist-slockin bree;
Seen its heft graips aince mair, an kep
stackin e'en sair
Till sin draps doon-wast tae dee.
As the mists o' the
gloamin dreeft doucely
Ow'r the carse frae the hulls up abeen,
They fusper tae chiels new back frae the
fields,
"Gie
thenks thit yir darg's aa deen."
In the cots o' the kirkton ilk faimly
Aets thur brose as they've been sterv'd
ow'r lang;
Syne aa
sattle weel-met by the bricht inglie's het,
Whaur ma'am chirms bairns' bedtime sang.
JH - 27th November, 2009 |
