|
Lyrics composed by
John Henderson on the 22nd of October, 2008,
based on the story of 'Rab Morris' in an anonymous 1692 poem of
that name,
and here sung to ... Kate Carney's 'Are We To part Like This,
Bill?' - 1920s
Faither spiks .....
Jean dae ye ken Tam Thomson?
Him thit bides up the glen?
He's a guid chiel, tho' he's auld,
He is the wale o' men;
He his guid kye oan braw ferm lan;
His hoose is sae graun tee;
He micht be ow'r saxty noo,
Bit he'd be a guid man for ye!
Dochter Jean replees .....
Och haud yir tongue dear faither;
I bid ye leave it be;
Gin ye think oan't, ye maun see
Oor eilds can nivver gree;
Thon is a fack thit's agin him;
Aa richt fan he's a freen,
Bit nae him bein ma guidman,
Fan ye ken thit I'm jist echteen!.
Faither spiks aince mair ....
Och haud yir tung dear dochter,
An eese yir harns a wee,
Fan yir guidman, ye wull see,
He'll shair hiv luv tae gie;
He'll nae lie aye doucely by yir side
Ilk nicht fan beddit ben,
Bit pruv syne despite auld eild
Makin luv he's the wale o' men.
Dochter Jean replees .....
Ye wid wint me wad Tam Thomson?
I ken the cratur weel;
Humphy o' back, an knock'd kneed,
Aye smellin lik a creel;
He micht wi kists fu o' sillar
Spyle me wi' bonnie claes,
Bit I'll bide an howp tae git
Ain for mony years nae jist days! |
