|
This parody was
composed by John Henderson on 12th June, 2008
to the tune of 'Roaming in the Gloaming'.
Introduction
Ah saw mony bonnie lassies fan Ah raiked aroon,
Bit ma hert it foonert sair oan braw wee Jeannie Toon.
An tho ne'er the teep o lad fur ceestin wirds agley,
Ah dumfoonert baith o us wi fit Ah fun tae say.
Daffin ilka even oan the bonnie banks o Clyde;
Daffin ilka even wi ye Jeannie by ma side.
Fan the sin hid gid tae rist, twis the time thit we loo'd best;
Ay, twis braw-lik daffin in the even.
Daffin ilka even oan the bonnie banks o Clyde;
Daffin ilka even wi ye Jeannie by ma side.
Fan the sin hid gid tae rist, twis the time thit we loo'd best;
Ay, twis braw-lik daffin in the even.
Interlude
Ain nicht efter wann'rin we fetch'd hame nar hauf-past nine.
Kissin hint the cot-hoose dyke Ah bid her tae be mine.
Fan she spak 'Och ay' Ah shairly dinc'd twa Hielan flings,
Syne Ah teuk her tae the preacher wi gowd waddin rings.
Mairrit morn an even in oor cot-hoose nar the Clyde;
Mairrit morn an even wi ma Jeannie by ma side.
Fan the sin hid drappit doon, we'd aye pit the lichts oot suin;
Nae mair wann'rin oot-by in the even.
Fan the sin hid gid doon, we'd aye pit the lichts oot suin;
Deen oor looin in-by in the even. |
