|
Lyrics composed by John
Henderson on 14th December, 2007,
to the tune for 'Sweet Georgia Brown'.
Jinky Jimmy Jackson cam frae nar Cannaweelsay
Tae wirk oan ony ferms in Tattylan gien guid days' pay
Widda Wifie Wendy she hid rowth o wirk fur Jim
Oan the ferm thit her auld [nae lang deid Pa]
Hid left her tae kep-gaan efter him.
Weel Jinky leuk’d her ower wi bricht twinkles in his een
A sonsier lass nor this afore he'd nivver ivver seen
Sae wi knackin knees an trimmlin wee he teukit up her bodit fee
O sillar in his pooches an a quine tae bide-in wi.
He bidit in the bothy syne thit wis narhan barn an byre
Bit he jyne’d her in the hoosie fur thur denner bi the fire
Wi whusky oan the table nait, an aye guid mait tae aet
Made him stert tae wonner ... umm.. umm ... ummm
"Micht be risky bidin ow'r late."
Bit Jinky loo’d his bevy, an weel he kep up the pace
Espeeshally wi the nichtly ootcome - the widda's waarm embrace
Nae baithered thit it micht be fell, frae binders thit he’d hard
tell
Aboot boozy-unman Wendy an aa the men she'd pit throw .. HELL ! |
