|
Lyrics composed by
John Henderson on the 7th of December, 2007,
after reading WD Cocker's poem, "Grief Trokes Wi' Us A' ".
The musical accompaniment is part of 'For One Kiss',
by Sir Francesco Paolo Tosti (1846-1916).
GRIEF trysts wi fowks tho fur lang they micht jink HER,
Syne or seen tribbles wull come fur the tholin;
They'll nae fin life's gates smeeth aye, an this shid quaitly
accep,
Fur SORRA maun chap aa doors an birst richt-in.
Lauch fyle ye can fur it's fell tae foryet tae,
Ye'll greet eneugh till the day o yir deein;
Ye canna jouk whan FATE caas, an this tee ye shid accep,
Fur SORRA maun chap yir door an birst richt-in.
CHANCE is a jaud thit aft spiks wi twa vyces,
As aft SHE fuspers SHE's kent tee fur thun'rin;
Sae mak yir ain lick ilka-day, fyle fell QUINE is hine-awa,
Fur ony time SORRA'll chap, bit birst richt-in. |
