|
Doric lyrics composed by John
Henderson on 13th November, 2007
to Harry Woods' 1925 music to the song "I Wished I Was In
Peoria",
and played here with some relish by 'Perfessor' Bill Edwards.
[Stairtin meesic oontil the 'ripplin' stoaps .....]
Aet an quaff, aet an quaff, losh I've hid ma full.
My stamach's kennin thit it is at the pynt o' owerspull.
Pre-lunch nip, stairted it - 'punch' weel kined wi gin;
Thrang ingan soup, wale chucken breest, pairt garred this soss
I'm in.
Och! hoo .. I .. wiss thit I could lea aff frae sich,
At birthday time ... ilk year.
Och hoo I wiss, I widna lade ma plate so hich,
At birthday time ... ilk year.
Bit syne the sicht o' bonnie di-ishes,
Maks me foryet thase halesome wi-isses,
An aa the affa seekness frae gutsy-ness
At birthday time ... ilk year.
[Haud oan a wee] ...
Efter soup, cam mair soup,
Syne I thocht, 'Ay, Ay'
Whan I saw Rab wi prawn-cocktail,
I'd some of thon forbye.
Ugh!
Syne mair stryfe, fork an knife.
Fow'r maits an veg three.
Wee tatties roasted, mashed yins tee,
Wur aa piled oan bi me.
Och! hoo I wiss thit I could lea-aff frae sich,
Upoan ma annivers'ry ... in ilka year.
Och hoo I wiss, I widna lade up ma plate so hich,
Upoan ma annivers'ry... ilk an ilka year.
Bit syne the sicht o' bonnie di-ishes,
Maks me foryet thase halesome wi-isses,
An aa the seekness frae thase fell hai-aibits,
Oan ma anniversary ... ilk an ilka year.
Och! hoo I wiss an wiss thit I could jist lea aff mair nor a
bit,
Upoan ma annivers'ry ... ilk an ilka year, ilka year ilka year
Och hoo I wiss, I widna ladeup ma plate syne sae ower hich,
Upoan ma annivers'ry there in ilk an ilka year.
Bit losh syne the sicht o' aa thase sae weelcomin bonnie
di-ishes,
Seen maks me foryet aa thase guid halesome wi-isses,
An nae doot the seekness frae thase fell hai-aibits
Oan ma anniversary ... ilk an ilka year.
[Haud oan a wee bit mair this time!]
....
Nae retreats, cam the sweets,
I says, "This is great,
I'll hiv the trifle an plum-duff
Ilk speened hich oan yin plate."
Neist,
Gutsin mair, I for shair,
Teuk a second plate.. fu,
Tapped up wi ice-cream,
Eneugh mak ithers grue.
Och! hoo .. I .. wiss thit I could lea aff frae sich,
Upoan ma annivers'ry ... in ilka year.
Och hoo I wiss, I widna lade ma plate so hich,
Upoan ma annivers'ry... ilk an ilka singal year.
Bit syne the sicht o' bonnie di-ishes,
Maks me foryet thase halesome wi-isses,
An aa the seekness frae thase fell hai-aibits,
Oan ma anniversary... ilk an ilka year.
Gie it up? ...
Ye maun be jeestin ...
Despite aa ...
Och Naw ... Naw ....
Nae ... fear! |
