|
Lyrics composed by
John Henderson on 26th September, 2006, to
'A Garden in the
Rain'.
Ay 'twis leesome biel aside yer hoose.
Aft hame tae wasps an cushie doos,
Oot the waarm sinsheen faar cweel wins blaa.
Graun howff tae hiv a couthie jaa,
An glaikit reek wee drachts an aa,
Wi us twa freens wha'd cam roon tae caa.
Baith o us war pleast wi'oot a doot tae be,
Huddin doon the deece wi brither Jack an ye.
Ay thon quait neuk it saired us braw,
Tae pit aa warl's wrangs richt an aa,
Oot the waarm sinsheen far cweel wins blaa.
Ay 'twis biel aside yer but-an-ben,
Faar we richt weel ilk gat tae ken,
Oot the waarm sinsheen faar cweel wins blaa.
Cam oonerstan ilk ither's ull.
Syne sang lood - laachted wi sich guid wull,
Oot the waarm sinsheen far cweel wins blaa.
Baith o us war pleast wi'oot a doot tae be,
Huddin doon the deece wi brither Jack an ye.
Ay thon quait neuk it saired us braw.
Gled tae 'twis nae baither aye ava,
Bein seely ilka yin syne an aa. |
