Lyrics composed by John
Henderson on 20th June, 2006
to a tune compiled by revolutionary Bandbox software
that here has combined two tunes -
'Show Me The Way To Go Home' and 'Heart of My Heart'.
Listen to the music here
Fit dae ye ken, gin ye hivnae kineness i' yer hairt?
Fit dae ye ken, gin ye hiv nivver-ivver minted tae mak a
stairt
Luv neebors lik ye hiv aye been takin tent yer sel?
Syne thur's jist naethin ye ken 'cept maist gypit wyes
Thit shair are doonricht fell!
Chorus:
Ay syne naethin ye ken,
Can be sich guid feesic oan oor airth,
As makin loats o' freens
An' haudin troo tae sich becaise a freenship's wirth
Aye mair nor gowd or sillar thit ye wull fin a' ow'r the
hale ull warl.
Naethin ye ken wull ivver baet luvin hairts.
Noo,
Gweed kens ye ken, fit chiel hisnae kineness i' his hairt
Gweed aiven kens gin sich selfit myndit ains nivver-ivver
plays thur pairt
I' makin fowk's plank, an' wedder it's oan lan, airth or sea
A freenly, tentin, luvin teep commeenity
Thit's weil kent it shid be.
Chorus:
Ay syne naethin ye ken,
Can be sich guid feesic oan oor airth,
As makin loats o' freens
An' haudin troo tae sich becaise a freenship's wirth
Aye mair nor gowd or sillar thit ye wull fin a' ow'r the
hale ull warl.
Naethin ye ken wull ivver baet luvin hairts.
Sae,
Ging eese yer harns; pit mair luvin kineness i' yer hairt.
Be guid spyack, gin ye hiv nivver-ivver minted oan makin a
stairt
Tae be neeboorly, stappit ivver takin tent yer sel.
Syne thon's shair somethin ye'll fin muckle wycer wye
Tae win oot gate tae hell!
Chorus:
Ay syne naethin ye ken,
Can be sich guid feesic oan oor airth,
As makin loats o' freens
An' haudin troo tae sich becaise a freenship's wirth
Aye mair nor gowd or sillar thit ye wull fin a' ow'r the
hale ull warl.
Naethin ye ken wull ivver baet luvin hairts.
