|
[Wirds arreev'd at
tae midi music accompaniment frae jynt dogger'lin acks
oan18th/19th March, 2005 by Scotland's, DDJ, and U.S.A's, SJDK]
Een guid day I awauk'd, fun, thit ma life a clowt hid ull-taen.
Far oan airth hid a' 'hint years, a' hupped an gane? [Sae fest
a' gane!]
Shid I ainly recaa 'boot the aulden times, thit are noo faurwyes
lang bye?
Syne a vyce in-bye fuspers, "Hud-up ameevin, aye!".....
.................
Bit, masel I've goat mony a jip frae lang years o' eese.
Sae wice-lik I shid stoap a-takin loats farrer ill-eese.
Sae widna it be richt-lik gate, a-huddin doon deece?
"Naw, freen", cam the remeidy, "Ye need exerceese!"
Fyles I wunner gin I'll iver win thit sae bricht Gowden Stair?
Far seeliness wull rowle an tribbles there wull be nae mair,
Bit clair I har kine Gweed a-spikin, " It's trowth, aye, aye,
aye ...
Tae be shair thit oan roddie ye eneugh be leyin bye."
"Gin yer life's mint it is maistly bein stang o' trump,
Sae dinna ging an fash yer thoom.
Ye can saffly lippen tae Me."
********** ------- **********
I've nae deen puckle thingies thit I'd aye sae howp'd tae dae,
Lik sweemin' the Atlantic, an fleein i' space-shuttle tae.
Bit there's muckle anse I mynd, fit, gits me hee-hee-in,
Meebe noo a 'his-been', bit fegs, prood o' fit I've deen.
Bit nae deen eneugh sairin, aye aft weesin I'd din mair,
Lik takin tent o' puir folks, wi bawbees gane spare.
Bit there's muckle anse I mynd, fit kine Gweed wull hae seen,
Meebe noo a 'his-been', bit .....
Meebe noo a 'his-been', bit .....
Meebe noo a 'his-been', bit pleast fit I've deen.
Fyles steel wunner gin I'll iver win thit Paradeese?
Far seeliness wull rowle, nae tribbles, loats exereceese!
Bit clair I har kine Gweed a-spikin, " It's trowth, aye, aye,
aye ...
I am shair thit oan roddie ye hiv ..
I am shair thit oan roddie ye hiv ...
I am shair thit oan roddie ye've eneugh ley'd bye-och-aye."
Eneugh ley'd bye-och-aye ?
Och-aye-aye-aye! |
