THERE liv'd a man in our toun,
In our toun, in our toun,
There liv'd a man in our toun,
And they ca'd him Aikin Drum.
And he wad be a soger,
A soger, a soger,
And he wad be a soger,
And they ca'd him Aikin Drum.
And his coat was o' the gude saut
meat,
The gude saut meat, the gude saut meat,
And a waistcoat o' the haggis bag
Aye wore Aikin Drum.
O the guid lang kail, and the Atholl brose,
Aye they made his trews and hose;
And he luiket weel, as ye may suppose,
And his name was Aikin Drum.
And his bannet was made o' pye
crust,
O' pye crust, o' pye crust,
And his bannet was made o'. pye crust,
Built baith thick an' roun'.
And he played upon a razor,
A razor, a razor,
And he played upon a razor,
And while's upon the kame.
And he lov'd weel the crappit
heads,
The crappit heads, and singet heads,
And he lov'd weel the crappit heads,
And singet heads and a';
And he lov'd weel the ait cake,
The ait cake, the ait cake,
And he lov'd weel the ait cake,
An' scones and bannocks a'.
But, wae's me, he turned soger,
A soger, a soger,
But wae's me! he turned soger,
And he was marched awa.
'Bout him the carles were gabbin',
For him the laddies sabbin',
And a' the lassies greetin',
For Aikin Drum's awa.
