|
ALL WIS QUIET IN DUNS
SHED, BOOLIE WIS STOKIN’ UP HIS FIRE GITTEN READY FOR HIS DAYS WORK AS A
SMIDDY. IT WISNA GAUN TAE BE LONG AFORE THE PEACE WID BE SHATTERED. THE
DOOR OPENED AND FA SHID WALK IN BUT THE TWA LUMMERS UNCLE AND JOHN
McLENNAN, IT WIS A RECIPE FOR DISASTER FIN THIS TWA GOT THE GITHER AND
TODAY WISNA GAUN TAE BE ONY DIFFIRENT. THIS ESCAPADE TOOK PLACE JIST
EFTER THE WAR AND THERE WIS PLENTY O BULLETS TAE BE FOUND ONY WYE DOON
AT THE ROCKS AT THE BACK O’ THE SLIP. BOOLIE WIS GAUN ABOOT HIS BUSINESS
NAE A CARE IN THE WORLD FIN JOHN SIDLED UP ASIDE HIM, PITTIN’ HIS HAND
INTAE HIS POOCH HE TOOK OOT A HANDFAE O’ BULLETS AND THREW THEM INTAE
THE FIRE AND TOOK OFF AS FAST AS HE QUID GO. WITHIN’ SECONDS THERE WIS
CRACKS AND BANGS AWYE, BUT BOOLIE KERRIT ON WORKIN’ BULLETS WHISTLIN’
PAST HIS LUGS. FIN THE FUSILADE STOPPED THE TWA LADS SNEAKED BACK IN TAE
HEAR THE SWEARS O’ BOOLIE ABOOT THE QUALITY O’ THE COAL!
LATER ON THAT DAY THEY SPOTTED BOOLIE’S BIKE LYIN’ OOTSIDE, SO THEY
DECIDED THEY WID TRY SOMETHING ELSE ON HIM. KENNIN HE HAD AWFU POOR
EYESIGHT AND WIDNA NOTICE FIT THEY HAD DEEN THEY WENT AND GOT A LENGTH
O’ ROPE AND TIED IT ROON THE BACK O’ THE BIKE. AS SEEN AS THE BELL GIED
FOR THE END O’ THE DAYS WORK BOOLIE, NIVER ANE TAE HING ABOOT SHOT OOT
THE DOOR AND JUMPIT ON TAE HIS BIKE, THE TWA LADS HAD LEFT A WEE BITTIE
O’ SLACK ON THE ROPE BUT FIN IVER IT CAM TICHT POOR BOOLIE GIED FLEEIN’
OWER THE HANDLE BARS GIE NEAR BREKIN’ HIS NECK. THIS TIME HE KENT FA IT
WIS AND HE GOT UP VOWIN’ VENGEANCE, BUT HE WIS TOO LATE THE BOYS WERE
LONG GONE. |
