|
SKIRLIE AND BEEL WERE
WALKIN’ ALONG THE PIER IN YARMOOTH AT THE WEEK END FIN THEY WIR JINED BY
A MANNIE BOLONGIN’ TAE THAT FAMOUS FISHIN TOON. THE CONVERSATION GOT
ROON TAE THE SUBJECT O’ DOGS AND THEMANNIE TELT THEM A’ ABOOT THIS DOG
THEY HAD ABOORD THE BOAT FA WIDNA LET ONYBODY INSIDE. THE MANNIE KEPT
BLAWIN ON ABOOT HIM TILL BEEL AND SKIRLIE GOT FED UP AND SAID TAE HIM,
C’MON THEN YOU HAD BETTER SHOW US THIS ANIMAL.
PROOD AS PUNCH THE MANNIE TOOK THEM DOON ONTAE THE BOAT AND FIN THEY GOT
TAE THE GELLEY SURE ENOUGH THE DOG STARTED BARKIN’ AND GAUN MENTAL
INSIDE THE GELLEY. WHAT DID I TELL YOU SAID THE MANNIE, NOBODY WILL COME
NEAR WHEN HE STARTS BARKING. BEEL TURNED TAE SKIRLIE AND SAID GIE’S THAT
STOPPER (A SHORT PIECE OF ROPE FOR TYING FLOATS ONTO NETS) HANDIN’ BEEL
THE STOPPER SKIRLIE TELT THE MANNIE TAE STAND OOTO’ THE WYE. BEEL OPENED
THE GELLEY DOOR AND SHUT IT AHIN HIM.
MEANWHILE THE MANNIE WIS GAUN FRANTIC INCASE THE DOG ATTACKED BEEL AND
DID HIM ONY HERM, BUT HE NEEDNA HAVE BOTHERED EFTER TWA MEENITS O’
SQUEELIN’ AND BARKIN THERE WIS COMPLETE SILENCE, NOO THE MANNIE WIS GAUN
FEEL WINNERIN FIT HIS DOG HAD DEEN TAE BEEL. DINNA WORRY SAID SKIRLIE
AND JIST AT THAT THE DOOR OPENED AND OOT CAM BEEL WI’ A DOGS PELT IN HIS
HANDS. THE MANNIE LOOKIT AND NEAR FELL AWA. AFORE HE QUID SAY ONYTHING
BEEL THREW THE PELT TAE THE MANNIE AND SAID THERE’S YER DOG IT WIS HIM
THAT WIS FEART O’ ME.
AFORE ONYBODY READIN’ THIS GETS ON THEIR HIGH HORSE ABOOT CRUELTY TAE
ANIMALS I’D BETTER EXPLAIN TAE THEM THAT BACK IN THOSE DAYS THEY USED
DOG’S PELTS FOR BOUYS FOR THE DRIFT NETS, EFTER THE DOG HAD BEEN SKINT
THEY SHEWED THEM UP SYNE INFLATED THEM, THIS WIS HOO THE SEATOON GOT ITS
NAME THE DOGWALL, BECAUSE THATS FAR THEY SKINNED THE DOGS AND BEEL AND
SKIRLIE WERE EXPERTS AT THE JOB. IF YE GO DOON TAE THE FISHERIES MUSEUM
IN LOSSIE YOU CAN SEE AN EXAMPLE STILL IN GOOD CONDITION! |
