|
Walkin roon the
herbour,head bent shoothers low
oh far did it a’ guine tae , far did it a’ go
A steady fleet o’ boaties,scurryin’ oot an’ in
noo it’s a’ decimated,fit a peety sic a sin
Nae a soul tae speak tae,reminiscin’ on his own
the crews that sailed aboord them very near a’ gone
A’ the boaties gone noo,their skippers a’ awa
memories start tae come back, a tear begins tae fa’
Minnin’ on the days he quid walk across the piers
boaties moored up awye, like fish laid oot in tiers
names start tae come back, fae days long gone by
I winner fit they’d think noo, i’m sure it wid be why?
There’s nae a loonie catchin’, or haulin’ at a guy
nae shouts o’ ony mackerel, or askin’ for a fry
the market floor is silent, the buyers are a’ gone
auctioneers noo quiet, fish noo bocht by phone
Naebody mennin’ nets noo, or splicin’ at the store
a’ the steer and bustle, we’ll niver see nae more
hoo quid it iver happen, in sic a space o’ time
a wye o’ life has disappeared, naebody seems tae mine
Will it iver come back,or wis it a golden age
does he forgit aboot it and turn anither page
a wye o’ life destroyed by a stroke o’ coloured pen
but memories they canna tak, he awyewis will hae them |
