THE DAY WE WENT TO ROTHESAY, O
(As sung by John McEvoy)

One Hogmanay, at Glesga Fair,
There was me, mysel' and sev'ral mair,
We a' went to hae a tear
And spend the nicht in Rothesay, O.
We wandered thro' the Broomielaw,
Thro' wind and rain and sleet and snaw,
And at forty minutes after twa,
We got the length o' Rothesay, O.

Chorus:
A dirrum a door a dum a day;
A dirrum a doo a daddy, O.
A dirrum a doo a dum a day,
The day we went to Rothesay, O.

A sodger lad names Rutherglen Will,
Wha's regiment's lyin' at barn Hill,
Went aff wi' a tanner to get a gill,
In a public hoose in Rothesay, O.
Said he, "Be Gode, I'd like to ring,"
Said I, "Ye'll no' dae sic a thing."
He said, "Clear the room and I'll mak' a ring
And I'll fetch them a' in Rothesay, O."

In search o' lodgin's we did slide,
To find a place where we could bide,
There was eighty-twa o' us inside
In a single room in Rothesay, O.
We a' lay doon to tak' oor ease;
When somebody happened for to sneeze,
An' he wakened half-a-million fleas,
In that single room in Rothesay, O.

There were several different kinds o' bugs,
Some had feet like dyers' clogs,
And they sat on the bed and they cockit their lugs
And cried, "Hurrah for Rothesay, O!"
I said, "I think we should elope!"
So we went and joined the Band of Hope,
But the Polis wouldna' let us stop,
Anither nicht in Rothesay, O.