JOHNNIE LAD

I bought a wife in Edinburgh for ae baw-bee,
I got a farthing back again to buy tobacco wi,
And wi' you, and wi' you, and wi' you Johnnie lad,
I'll drink the buckles o' my shoon wi' you my Johnnie lad.

When auld King Arthur ruled this land
He was a thieving King.
He stole three bolls o' barley meal
To make a white pudding.

Chorus: An' wi you, and wi' you, and wi' you Johnnie lad,
We'll drink the Bauchles aff wur feet wi you my Johnnie lad

The pudding it was awfu' guid,
'Twas weel mixed up wi' plumes;
The lumps o' suet into it
Were big as baith ma thooms.

Chorus

Samson was a michty man
Wha focht wi' cuddies' jaws:
He focht a score o' battles,
Wearing crimson flannel drawers.

Chorus

Napoleon was an Emperor,
And ruled by land and sea,
He was King of France and Germany
But he never ruled Polmadie.

Chorus

On the royal tour ti Glesga,
Ye should hae seen the Queen
Playin' a gemme o' fitba',
Wi' the lads on Glesca Green.

Chorus

The Captain of the other side
Was scoring in such style,
The Queen cried owre a polisman,
And clapped him in the jyle.

Chorus

The Queen wis in her Parlour,
Suppin' Cream and Honey,
The Knave wis in the Coontin'-Hoose,
Fiddling Scotland's Money.

Chorus

Bit Johnnie wis a raucle boy,
He gied the Knave a fricht,
And fotch back Scotland's money
And the people danced aa nicht.

Chorus

Johnnie is a bonnie lad,
He is a lad o' mine;
I never had a better lad,
An' I've had twenty-nine.

Chorus