CORONATION CORONACH
Tune: The Sash    Words: Thurso Berwick

O, Scotland hesna got a King,
And hesna got a Queen.
For ye canny hae the saicint Liz
When the first yin's never been.

Chorus:
Nae liz the Twa, nae Lillibet the Wan,
Nae Liz will ever dae,
We'll mak oor land republican
In a Scottish breakaway.

Her man's cried the Duke o Edinbury,
He's wan o the Kiltie Greeks.
O, dinna blaw ma Kilts awa,
'Cos Lizzie weirs the breeks.

He's a handsome man an he looks like Don Juan,
He's beloved by the weaker sex,
But it disnae really matter a damn,
'Cos it's Lizzie signs the cheques.

Noo her sister Meg's got a bonnie pair o legs,
But she didnae want a German or a Greek,
Pair auld Peter wis her choice, but he didnae suit the boys,
So they sellt him up the creek.

Here, but Meg wis fly an she beat them by and by,
Wi Tony Hyphenated-Armstrong, ding! dong!
But behind the pomp an play, the question o the day,
Wis who the hell did Suzy Wong? yum! yum!

Sae here's tae the Lion, the bonny Rampant Lion,
An a lang streetch tae its paw,
Gie a Hampden Roar, an' we're oot the door:
- An ta-ta, ti Chairlie's maw.