THE BARNYARDS O'DELGATY

As I cam in by Turra Market, Turra Market for to fee,
It's I fell in wi' a wealthy fiarmer, the Barnyards o' Delgaty.
Linten adie Toorin adie; Linten adie Toorin ee,
Linten lowrin, lowrin, lowrin, the Barnyards o' Delgaty

He promised me the twa best horse,
Thit wis in aa the kintra roun,
But fan I wan tae the Barnyards,
Wis naething there but skin and bone.

It's Jean MacPherson maks ma bed,
Ye'll see the marks upon ma shins,
For she's the coorse ill-tricket jaud,
Thit fills ma bed wi' prickly whins.

When I gae to the kirk on Sunday,
Mon'ys the bonnie lass I see,
Sittin' by her faither's side,
And winkin' owre the pews at me.

Some can drink and no' be drunken,
Some can fecht and no' be slain;
I can kiss anither loon's lass,
And aye be welcome to ma ain.

My caunie it is near brunt oot,
The snoter's fairly on the wane;
Sae fare ye weel, ye Barnyards,
Ye'll never find me here again.

Click here to listen to the song