Search just our sites by using our customised search engine
Unique Cottages | Electric Scotland's Classified Directory

Click here to get a Printer Friendly PageSmiley


Doun in yon garden sweet and gay,
Where bonnie grows the lilie,
I heard a fair maid, sighing, say,
‘My wish be wi’ sweet Willie! 

O Willie’s rare, and Willie’s fair,
And Willie’s wondrous bonnie;
And Willie hecht to marry me,
Gin e’er he married ony. 

But Willie’s gone, whom I thought on,
And does not hear me weeping;
Draws many a tear frae true love’s e’e,
When other maids are sleeping. 

Yestreen I made my bed fu’ braid,
The nicht I’ll mak’ it narrow;
For, a’ the live-lang winter nicht,
I lie twined o’ my marrow. 

Oh gentle wind, that bloweth south,
From where my love repaireth,
Convey a kiss frae his deir mouth,
And tell me how he fareth! 

O Tell sweit Willie to come doun,
And bid him no be cruel;
And tell him no to break the heart
Of his love and only jewel. 

O tell sweit Willie to come doun,
And hear the mavis singing;
And see the birds on ilka bush,
And leaves around them hinging. 

The lav’rock there, wi’ her white breast,
And gentle throat sae narrow;
There’s sport eneuch for gentlemen,
O Leader haughs and Yarrow. 

O Leader haughs are wide and braid,
And Yarrow haughs are bonnie;
There Willie hecht to marry me,
If e’er he married ony. 

O cam’ ye by yon water side?
Pu’d you the rose or lilie?
Or cam’ ye by yon meadow green?
Or saw ye my sweit Willie?’ 

She sought him up, she sought him doun,
She sought the braid and narrow;
Syne, in the cleaving o’ a craig,
She found him drowned in Yarrow.

Footnote: The Yarrow Water runs from St Mary's Loch and meats the Ettrick Valley at Philip Haugh.  The ballads of the area and its scenery were a source of inspiration to Walter Scott and James Hogg.  This is one of the many variants of the Border song 'Willie's Rare and Willie's Fair'.  There is no historical evidence of a specific tragedy linked to the song, but Walter Scott believed that it referred to John Scott, sixth son of the Laird of Harden, who was murdered by his kinsmen, the Scotts of Gilmancleugh in Ettrick Forrest.



This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus