Chorus
We're a' noddin, nid nid noddin,
We're a' noddin, at our house at hame;
We're a' noddin, nid nid noddin,
We're a' noddin, at our house at hame!
' Guid e'en to you, kimmer,
And how do ye do?'
' Hiccup!' quo' kimmer,
' The better that I'm fou' !
Kate sits i' the neuk,
Suppin hen-broo.
Deil tak Kate
An she be na noddin too!
' How's a' wi' you, kimmer?
And how do you fare?'
' A pint o' the best o't,
And twa pints mair!'
' How's a' wi' you, kimmer?
And how do you thrive?
How monie bairns hae ye?'
Quo' kimmer, ' I hae five.'
' Are they a' Johnie's?'
' Eh! atweel na:
Twa o' them were gotten
When Johnie was awa!'
Cats like milk,
And dogs like broo;
Lads like lasses weel,
And lasses lads too.
