Search just our sites by using our customised search engine
Unique Cottages | Electric Scotland's Classified Directory

Click here to get a Printer Friendly PageSmiley

Robert Burns

'Where are you gaun, my bonie lass?
Where are you gaun, my hinnie?'
She answer'd me right saucilie: -
'An errand for my minnie!'

'O, whare live ye, my bonie lass?
O, whare live ye, my hinnie?'
'By yon burnside, gin ye maun ken,
In a wee house wi' my minnie!'

But I foor up the glen at e'en
To see my bonie lassie,
And lang before the grey morn cam
She was na hauf sae saucy.

O, weary fa' the waukrife cock,
And the foumart lay his crawin!
He wauken'd the auld wife frae her sleep
A wee blink or the dawin.

An angry wife I wat she raise,
And o'er the bed she brought her,
And wi' a meikle hazel-rung
She made her a weel-pay'd dochter.

'O, fare-thee-weel, my bonie lass!
O, fare-thee-weel, my hinnie!
Thou art a gay and a bonie lass,
But thou has a waukrife minnie!'

Footnote:  Although Robert Burns never claimed this work as his own, but it was probably worked on it by him. At the very least he saved it for generations to come. He wrote of the song

I picked up this old song and tune from a country girl in Nithsdale: I never met with it elsewhere in Scotland.



This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus