Simmer 's a pleasant time,
Flowers of every colour;
The water rins o'er the heugh,
And I long for my true lover!
Chorus:
Ay waukin, Oh,
Waukin still and weary:
Sleep I can get nane,
For thinking on my Dearie. -
When I sleep I dream,
When I wauk I'm irie;
Sleep I can get nane,
For thinking on my Dearie. -
Ay waukin, Oh...
Lanely night comes on,
A' the lave are sleepin:
I think on my bonie lad,
And I bleer my een wi' greetin. -
Ay waukin, Oh...
Footnote : An old song which was rejuvenated by the master hand of
Robert Burns. The opening stanza is entirely his but he gave the rest of
the song a complete revision and new life.
