Search just our sites by using our customised search engine
Unique Cottages | Electric Scotland's Classified Directory

Click here to get a Printer Friendly PageSmiley

G S Morris

Hiv ye iver seen a tinkler's camp, upon a simmer's nicht,
On yhe nicht afore the market, fan a' things gaun richt,
Fan a' the tramps an hawkers they come fae hill an' dale,
Tae gaither in the gloamin' on the Moss o' Burreldale.
Chorus :
Fan the ale wis only tuppence, an' a tanner bocht a gill,
A besom or a tilly pan, or a shelt we aye could sell,
An' we a' forgot oor troubles ower a "forty" o' sma' ale,
Fan we gaithered in the gloamin' on the Moss o' Burreldale.
Jock Stewart, he wid hae a fecht, an' took his jeckit aff,
Bit Squeakin' Annie sattled him, we a' got sic a laugh.
She ran ower amang the tilly-pans, for a wee fite iron pail
An' skeppit him like a swarm o' bees on the Moss o' Burreldale.
Noo little Jamie Docherty, a horseman great wis he,
So he jumpit on a shaltie's back, some tricks to lat us see.
Bit a callant shoved some prickly whins aneath the shaltie's tail.
Heidfirst he shot in a mossy pot on the Moss o' Burreldale.
By this time Stewart, got the pail torn aff his achin' heid,
An' kickit up an awfu' soun' eneuch tae wauk the deid
Bit Annie roared, "Come on Macduff, tho' I should get the gaol!
Pit them up, ma mannie, ye're nae fit for Annie, the Rose o' Burreldale."
Bit Annie wis nae langer heard fan muckle Jock MacQueen,
He srartit tunin' upthe pipes he bocht in Aiberdeen.
He blew sae hard, the skin wis thin, the bag began tae swell,
An' awa' flew Jock wi' the sheepskin pyok ower the Moss o' Burreldale.
The dogs they startit barkin', the cuddy roared "Hee-haw!"
The tramps and hawkers a' turned roun' an' sic a sicht they saw.
'Twis Docherty as black's Auld Nick, the bairns lat oot a yell.
We shoodered oor packs an' a' made tracks fae the Moss o' Burreldale.
Bit noo the spring cairt's ot o' date, the shaltie it's ower slow.
The tramps and hawkers noo-a-days hae langer roads tae go.
We a' maun hae a motor-car if we wint oor goods tae sell.
Bit I'll ne'er forget the nichts we met on the Moss o' Burreldale.
Footnote :G S Morris was the composer of many enjoyable Cornkisters eg 'A Pair o' Nicky Tams' which you will find under The Rebel Ceilidh Song Book feature on The Flag. 'The Moss o' Burreldale'  was one of my late father's favourite songs and I first heard it sung by the late, great Jimmy MacBeth.

Return to Sing A Sang At Least


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus