MORMOND
BRAES
Traditional
As I gaed doun by Strichen toun,
I heard a fair maid mournin',
And she was makin' sair complaint
For her true love ne'er returnin' .
Chorus:
Sae fare ye weel, ye Mormond Braes,
Where aft-times I've been cheery;
Fare ye weel, ye Mormond Braes,
For it's there I've lost my dearie.
There's as guid fish intae the sea
As ever yet was taken,
So I'll cast my line and try again
For I'm only aince forsaken.
There's monie a horse has snappert an' fa'n
An' risen again fu' rarely,
There's monie a lass has lost her lad
An' gotten anither richt early.
Sae I'll put on my goun o' green,
It's a forsaken token,
An' that will let the young lads ken
That the bonds o' love are broken.
Sae I'll gyang back tae Strichen toun,
Whaur
I wis bred an' born,
An' there I'll get anither sweetheart,
Will marry me the morn.
Footnote: This was the first Cornkister
learnt at my mother's knee - not surprisingly as it is one of the most
popular and we stayed near Mormond Hill at the time.
|
