My bonnie moorhen, my bonnie moorhen

Up in the grey hills and doon in the glen

It's when ye gang but the hoose, when ye gang ben

I drink the health o' my bonnie moorhen.

 

My bonnie moorhead has gaed ower the main

And it will be summer when she comes again

When she comes back again some folk will ken

O joy be with thee my bonnie moorhen.

 

My bonnie moorhen has feathers anew

She's a' bricht colours but nane o' them blue

She's red and she's white, and she's green and she's grey

My bonnie moorhen come hither away.

 

Come up by Glen Duich and doon by Glen Dee

And roond by Kinclaven and hither tae me

Ronald and Donald lie low in the fen

Tae brak' the wing o' my bonnie moorhead.

 

My bonnie moorhead has gaed ower the main

And it will be summer when she comes again

When she comes back again some folk will ken

O joy be with thee my bonnie moorhen.