KILLIECRANKIE
Robert Burns
Whare
hae ye been sae braw, lad ?
Whare
hae ye been sae brankie, O ?
Whare
hae ye been sae braw, lad ?
Cam ye by Killiecrankie, O ?
Chorus ;
An ye had been whare I hae been,
Ye wad na been sae cantie, O ;
An
ye had seen what I hae seen,
On the braes o Killiecrankie, O.
I foucht at land, I foucht at sea ;
At hame I foucht my auntie, O ;
But I met the Devil and Dundee,
On the braes o Killiecrankie, O.
The bauld Pitcur fell in a furr,
An' Clavers gat a clankie, O ;
Or
I had fed an Athole gled,
On the braes o Killiecrankie, O.
Footnote - The
Battle of Killiecrankie, 27 July 1689, resulted in an overwhelming
Jacobite victory but their leader, John Graham of Claverhouse, Viscount
Dundee ( Bonnie Dundee ), was fatally wounded.
|
