Cope sent a letter frae Dunbar -
Charlie, meet me an' ye daur,
And I'll learn you the art o' war,
If you'll meet me in the morning.
Hey Johnnie Cope are ye waukin' yet?
Or are your drums a-beating yet?
If ye were waukin' I wad wait
To gang to the coals i' the morning.
When Charlie look'd the letter upon'
He drew his sword the scabbard from;
Come follow me, my merry merry men,
And we'll meet Johnnie Cope in the morning.
Now Johnnie, be as good's your word
Come let us try baith fire and sword;
And dinna flee away like a frighted bird,
That's chased frae its nest in the morning.
When Johnnie Cope he heard o' this,
He thought it wadna be amiss,
To hae a horse in readiness
To flee awa' in the morning.
Fy now, Johnnie get up and rin,
The Highland bagpipes mak' a din;
It is best to sleep in a hale skin
For 'twill be a bluidy morning.
When Johnnie Cope to Dunbar came,
They speir'd at him, Where's a' your men?
The deil confound me gin I ken,
I left them a' i' the mornong.
Now, Johnnie troth ye are na blate,
To come wi, news o' your ain defeat,
And leave your men in sic a strait
Sae early in the morning.
Oh! faith quo' Johnnie, I got sic flegs,
Wi' their claymores and philabegs;
If I face them again, deil brak my legs -
So I wish you a gude morning.