SING A SANG AT LEAST - JOCK O' HAZELDEAN

JOCK O' HAZELDEAN
Sir Walter Scott

"Why weep ye by the tide ladye,

Why weep ye by the tide?

I'll wad ye tae my youngest son,

And ye shall be his bride;

And ye shall be his bride, ladye,

Sae comely tae be seen:"

But aye she loot the tears doon fa'

For Jock o' Hazeldean.

"Noo let this wilfu' grief be done,

And dry thy cheek sae pale;

Young Frank is chief o' Errington,

And lord o' Langley dale,

His step is first in peacefu' ha',

His sword in battle keen:"

But aye she loot the tears doon fa'

For Jock o' Hazeldean.

"A chain o' gowd ye shall na lack,

Nor braid tae bind your hair,

Nor mettled hound, nor managed hawk,

Nor palfrey fresh and fair:

And you, the foremaist o' them a',

Shall ride our forest queen:"

But aye she loot the tears doon fa'

For Jock o' Hazeldean.

The kirk was decked at morning-tide,

The tapers glimmered fair;

The priest and bridegroom wait the bride,

And dame and knight were there:

They sought her baith by bower and ha';

The ladye was na seen! -

She's o'er the border, and awa'

Wi' Jock o' Hazeldean.

Footnote : A poem by Sir Walter Scott which was first published in Albyn's Anthology in 1806. The first verse, however, was part of an old ballad Jock o' Hazelgreen; the remaining verses were penned by Scott. For once the course of true love wins out as the young English lady of the song, whose father is forcing her into marriage, elopes on her wedding day over the Border to Scotland with her true love, Jock o' Hazeldean.