O! GIN I WAR WHAUR GADIE RINS
John Imlah
O! gin I were where
Gadie rins,
Where Gadie rins,
where Gadie rins,
O! gin I were where
Gadie rins,
By the foot o'
Bennachie.
I've roamed by Tweed,
I've roamed by Tay,
By Border Nith and
Highland Spey,
But dearer far to me
than they
Are the braes o'
bennachie.
When bud and blossom
sprout in spring,
And gar the birdies
wag their wing,
They blithely bob, and
soar, and sing,
By the foot o'
Bennachie.
When simmer cleeds the
varied scene
Wi' licht o' gowd and
leaves o' green,
I fain wad be, where
aft I've been,
At the foot o'
Bennachie.
When autumn's yellow
sheaf was shorn,
And a' the yards were
fu' o' corn,
'Twas blithe to hear
the clyack horn,
At the foot o'
Bennachie.
When winter winds blaw
sharp and shrill,
O'er icy burn and
sheeted hill,
The ingle neuk is
gleesome still
At the foot o'
Bennachie.
Though few to welcome
me remain,
Though a' I loved be
dead and gane,
I'll back, though I
should live alane,
To the back o'
Bennachie.
Oh! ance mair, ance
mair where Gadie rins,
Where Gadie rins,
where Gadie rins,
Oh! lat me dee where
Gadie rins,
At the foot o'
Bennachie.
Footnote : There are some other three songs of the same title! The poet
and songwriter John Imlah was born in North Street, Aberdeen in 1799 and
died, far from his beloved Bennachie, in Jamaica in 1846.
