THE BONNIE LASS O' FYVIE
(Traditional)

There was a troop o' Irish Dragoons cam marchin’ up through Fyvie O’.
And the Captain's fa’en in love wi a verra bonnie lass, 
And her name it is ca’d pretty Peggy O’.

Now there’s mony a bonnie lass in the Howe O’ Auchterlass,
There’s mony a bonnie lass in the Garrioch O.
There’s mony a bonnie Jean in the toon o’ Alberdeen,
Bit the floor o’ them a’ is in Fyvie O !

Come doon the stair, pretty Peggy my dear,
Come doon the stair, pretty Peggy O,
Come doon the stair, bind up yer yellow hair,
Tak a last fareweel o’ your Mammy O !

It’s braw, oh it’s braw, a Captain’s lady tae be,
It’s braw tie be a Captain’s lady O.
It’s braw tae rant and rove, and tie follow at his word,
And tae march when your Captain he is ready O !

Up cries the Colonel, "Mount boys, mount"
"Oh I tarry" says our Captain, "Oh tarry O". 
" Oh I tarry yet anither day or twa,
Till we see if this bonnie lass will marry O."

Now it was the early mornin’ we marched awa,
And oh! but our Captain was sorry O.
And the drums they did beat ower the bonnie Braes o’ Gight,
And the pipes played the Lawlands o’ Fyvie O !

Now long ore we wan tae Auld Meldrum toon,
Our Captain we had tie carry O !
But when we wan tie bonnie Aiberdeen,
Our Captain we had tae bury O !

Green grows the birch upon bonnie Ythan Side.
And low lies the Lawlands o’ Fyvie O !
Our Captain’s name was Ned, he died for a maid,
He died for the bonnie lass a’ Fyvle O !

Footnote : A popular song during the Scottish Folk Revival, it is one of my favourites which I first learned as a bairn. Always thought that Captain Ned was a wimp and Peggy very wise not to take the soldier's road! But where would traditional song be without unrequited love?