It happened on a Thursday-o,
A thundery thundery Thursday-o;
The midden men, they said, ‘Amen’,
And I never saw a worse day-o.
Chorus:
The craw killed the pussie-o,
The craw killed the pussie-o;
The Mammy cat sat doon and grat,
In Johnny’s wee bit hoosie-o.
Noo, pussie ruled the yairdie-o,
And frichted beast and birdie-o;
But the craw cam’ doon, and cracked her croon,
And ca’d her heels ower hurdie-o.
Noo pussie’s wi’ the devil-o,
Poor pussie’s wi the devil-o;
And every moose in Johnny’s hoose,
Says, ‘Gie that craw a medal-o.’
