THE BRAES O' BALQUHIDDER
Robert Tannahill 

 

    Will ye go, lassie, go,
    To the braes o' Balquhidder?
    Where the blaeberries grow,
    'Mang the bonnie bloomin' heather;
    Where the deer and the roe
    Lightly bounding together,
    Sport the lang simmer day
    'Mang the braes o' Balquhidder.

    Chorus:
    Will ye go lassie, go,
    To the braes o' Balquhidder?
    Where the blaeberries grow,
    'Mang the bonnie bloomin' heather.

    I will twine thee a bower
    By the clear siller fountain,
    An' I'll cover it o'er
    Wi' the flowers o' the mountain;
    I will range through the wilds,
    An' the deep glens sae dreary,
    An' return wi' their spoils
    To the bower o' my dearie.

    Now the simmer is in prime,
    Wi' the flowers richly bloomin'
    An' the wild mountain thyme
    A' the moorlands perfumin',
    To our dear native scenes
    Let us journey together,
    Where glad innocence reigns
    'Mang the braes o' Balquhidder.

 

Footnote : Robert Tannahill ( 1774-1810 ), poet and songwriter, was born in Castle Street, Paisley, son of a handloom weaver. His songs, set to traditional music, became widely popular.