YULE
By J K Annand

I'm gaun to hing a stockin up,
I'll borrow my big brither's,
It's bigger nor my sister's ane
And strang-er nor my mither's.

I'll be in bed on Yule E'en
When Faither Christmas comes.
I ken he'll wale oor chimley oot
Amang the ither lums.

On Yule richt early I'll be up
Afore the screich o day
To see what ferlies Santa Claus
Has brocht me for my play.

I hope he'll mind a cuddly bear,
And cups for dolly's tea
Wi lots o ither bonnie toys
For a guid wee lass like me.

Click here to listen to this in Real Audio read by Marilyn Wright