Pit oot the licht, I’ll sit
alane,
The peat fire glow is a’ I need
Pictures noo without a frame,
They’re a’ here mirrored in my heid.
A country school-bairns walkin’
miles
(Thae days we hadna even bikes!)
A gird tae tin ahin, an’ whiles
A sledge fin winter filled the dykes.
Lang simmer days wi’ barfit
feet
Parks o’ stooks an’ wee hairst mice
A wild floo’er carpet, made complete,
Oor ain wee world ca’ed paradise.
A clockin’ hen wi’ a’ her brood
Gangs cluckin’ roon an’ scrapin’ sair,
A feathered ‘mum’ but jist as prood,
Her day’s her ain – she’s free as air.
Ah weel-a bairn’s life
noo-adays
Tae mine bears nae resemblance
But amang the gifts the guid Lord gies
There’s ane he ca’ed remembrance.
