A New Scotsland
by William Wolfe
Click here to listen
to this in Real Audio read by Peter D Wright
Let ilka Scot say efter me
Kirkyairdilik an thochtilie
"Auncient Speirit o Scotland
Whase anerly airms are oor airms
Whase anerly speak is oor speak
Whase anerly life is oor life,
Athoot us kenlin up wir bluid
In the name o aa at's guid
Ye'd be nae mair nor auld deid wuid.
"Sae let's tak tent
Whae seek your pairt
Wi rigbane bent
An stoundin hairt
We'll dae wir stent
An no be feart.
We'll bring a new Scotsland tae birth
An haud wir tryst wi Mither Yirth."
Sae shall it be !
