Click here to listen to this in Real Audio read by Peter D Wright

Nae mair wull A get yir caurrie-haundit
skrievins i the post ;

Nae mair wull ye gie yir carefu, mizzured
answer oan the phone ;

Nae mair wull we tryst at Alexander’s Bleck Stane
fir ti mynd o Scotland’s ‘Gowden Age’;

Nae mair wull we tryst fir ti stravaig, blether
an hae a braw ploy thegither ;

Nae mair, fir nou ye hae jynt the hale clamjamfrie
o MacCallums wha hae gaen afore;

Bit nou, whan A raise a gless ilka Hogmanay
ti ‘Absent Friens’ - ye wull be thare

fir ye war the stern’s licht.


by Peter D Wright
21 November 2002