|
The Land o'
the Leal
by Carolina Oliphant,
Lady Nairne
Read by Marilyn Wright
Listen to
this in Real Audio here
Daughter of a Perthshire Jacobite,
Carolina Oliphant ( 1766-1845 ) married William Nairne and called
herself 'Mrs Bogan of Bogan' to write her songs, many of which are
still widely popular today, including 'Caller Herrin', 'Willye no come
back again?' and 'The Auld Hoose'.
I'm wearin' awa', John,
Like snaw-wreaths in thaw, John,
I'm wearin' awa'
To the land o' the leal.
There's nae sorrow there, John,
There's neither cauld nor care, John
The day is aye fair
In the land o' the leal.
Our bonnie bairn's there, John,
She was baith gude and fair, John,
And, oh! we grudged her sair
To the land o' the leal.
But sorrow's sel' wears past, John,
And joy is comin' fast, John,
The joy that's aye to last
In the land o' the leal.
Sae dear's that joy was bough, John,
Sae free the battle fought, John,
That sinfu' man e'er brought,
To the land o' the leal.
Oh! dry your glist'nin' e'e, John,
My saul langs to be free, John,
And angels beckon me
To the land o' the leal.
Oh! haud ye leal an' true, John,
Your day it,s wearin, thro', John,
And I'll welcome you
To the land o' the leal.
Now fare ye weel, my ain John,
This warld's cares are vain, John,
We'll meet, and we'll be fain,
In the land o' the leal.
|
