Strippit
ba's is hard tae bate,
Strippit
ba's is really dandy,
Strippit
ba's is simply great,
Better
nor yir common candy.
Candacraig and Kandahar,
Fillabeg
and fillmacannie!
Mind and
bring yir jellie jar,
Ye can
gie it tae the mannie.
Chocolate bars will melt awa,
Like the
snowflakes i' the river.
Jericho
will surely fa:
Strippit
ba's gie lastin pleasure.
Tweeduldum and Tweedledee,
Tap of
Noth and tapsalteerie!
Fan aa
ither comforts flee,
Strippit
ba's will keep ye cheery.
Bless, o
Lord, wir daily maet
(Bless
fat we've already eaten)
Lord, I
ken ye'll nae forget:
Strippit
ba's can ne'er be beaten.
Babylon
is blawn awa,
Egypt's
host is sairly drookit!
Ither
sweeties ye can chaw,
Strippit
ba's maun aye be sookit.
London
brig is tummel't doon,
Glesca's
coupit i' the river.
Embro's
shoogly i' the foun:
Strippit
ba's will last for evir.
