Search just our sites by using our customised search engine

Unique Cottages | Electric Scotland's Classified Directory

Click here to get a Printer Friendly PageSmiley

 Cuddle Doon
by Alexander Anderson

sleeping child

Click here to listen to this in Real Audio read by Marilyn P Wright 


(Alexander Anderson of Kirkconnel, who wrote as "Surfaceman", rose from the ranks as a railway worker to become Librarian of Edinburgh University.)

The Bairnies cuddle doon at nicht
Wi muckle faught an' din;
"Oh try and sleep, ye waukrife rogues,
Your faither's comin' in."
They never heed a word I speak;
I try to gie a froon,
But aye I hap them up an' cry,
"Oh, bairnies, cuddle doon."

Wee Jamie wi' the curly heid-
He aye sleeps next the wa',
Bangs up an' cries, "I wan a piece"-
The rascal starts them a'.
I rin an' fetch them pieces, drinks,
They stop awee the soun',
Then draw the blankets up an' cry,
"Noo, weanies, cuddle doon."

But ere five minutes gang, wee Rab
Cries oot, frae 'neath the claes,
"Mither, mak' Tam gie owre at ance,
He's kittlin' wi' his taes."
The mischief's in that Tam for tricks,
He'd bather half the toon;
But aye I hap them up an' cry,
"Oh, bairnies, cuddle doon."

At length they hear their faither's fit,
An' as he steeks the door,
They turn their faces to the wa',
While Tam pretends to snore.
"Hae a' the weans been gude?" he asks,
As he pits aff his shoon;
"The bairnies, John, are in their beds,
An' lang since cuddled doon."

An' just afore we bed oorsel's,
We look at oor wee lambs,
Tam has his airm roon' wee Rab's neck,
An' Rab his airm roon' Tam's.
I lift wee Jamie up the bed,
An' as I straik each croon,
I whisper, till my hert fills up,
"Oh, Bairnies, cuddle doon."

The bairnies cuddle doon at nicht
Wi' mirth that's dear to me;
But soon the big warl's cark an' care
Will quaten doon their glee.
Yet, come what will to ilka ane,
May He who rules aboon
Aye whisper, though their pows be bald,
"Oh, bairnies, cuddle doon." 

 

Return to Childrens Poems


 


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus

Quantcast