The Cheils O Auchteen-Twentie
by Peter D Wright
Click here to listen
to this in Real Audio read by Peter D Wright
Read at The 1820 Society Annual
Commemoration Meeting, Sighthill Cemetery, Glasgow on Sunday 6
Septmber 1998 and subsequently published the November 1998 issue of
the Scots Independent.
Baird, Hardie an Wilson war murdert
Fir the sake o the Radickal Cause;
'Scotland:Fre or a Desert' read their banner
As thai focht agin cruel fremmit Laws.
We gaither the day fir ti myn thaim
Near twa hunner yeir syne thai ar deid;
An ti tell the hale kintra o Scotland
That thai war the anes gied the lead.
Shouder ti shouder thegither, thai stud
Fir Scotland an the Richts o Man;
Thair names maun be myndit an honert
As thair veesions ane bi ane, hae bin wan.
We nou hae the Vote an the Fredomes
Fir whilk the Boys o Bonnymuir focht;
An the Scottish Paurliament is cumin
Whilk 'Purlie' Wilson o Straven lang socht.
Sae toast aw the chiels o Auchteen-Twentie
Thair names we suid aw weill myn;
Baird, Hardie an Wilson - The Mairtyrs
Wi leal Wallace an King Robert suid jyne.
Auchten-Twentie, Scotland an Fredome
Is a story weill wordie o fame;
A cairn i the noo Scottish Paurliament
Is hou we suid honor thair name.
