Dear Caitlin

 

Monie happie returns fir yir aucht Birthday.

Fegs it anerlie seems a blink sinsyne ye war born,

A wee bittie bundle o joy fir yir mither an faither -

An tho Kenzie micht grue, she wis fell gled

Fir ti hae a wee sister fir ti boss aroun!

 

Hae a blythe day tho ye hae ti gaun ti the schuil.

Ye suid ralelie hae an extra day aff fir yir Birthday,

Bit aiblins thae'll hae steak pie oan the menu

Fir yir ain, an anerlie yir ain speecial day -

Efteranaw ye ar anerlie aucht this aince.

 

Ye'r no auld eneuch yit fir ti drink yill

Bit A'll hae a pynt o Guinness fir ti mynd

O the Irish bluid at rins in baith our faimilies,

Juist the ane fir ti toast yir speecial day

An wuss happie returns ti our ramstamious bairn's bairn.

 

Aefauldlie an wi mukkil Lou

 

Granda ( an Grannie)