Listen to the song here if it doesn't play automatically
The song will play in a new window allowing you to follow the words as you listen to the song.

Sung by The Jacobites

Is there for honest poverty, that hangs his head and aa that
The coward slave, we pass him by, we dare be poor for aa that
For aa that and aa that, our toils obscure and aa that
The rank is but the guinea stamp, the man's the gowd for aa that

What tho’ on homely fare we dine, wear hodden gray and aa that
Gie fools their silk and knaves their wine, a man's a man for aa that
For aa that and aa that, their tinsel show and aa that
The honest man, tho' e’er sae poor, is king o' men for aa that

Ye see yon birkie caa'd a lord, wha struts and stares and aa that
Tho' hundreds worship at his word, he’s but a cuif for aa that
For aa that and aa that, his ribband star and aa that
The man o' independent mind, he looks and laughs at aa that

A prince can mak a belted knight, a marquis, duke and aa that
But an honest man's aboon his might, good faith he keeps for aa that
For aa that and a' that, their dignities and aa that
The pith o' sense and pride o’ worth, are higher rank than aa that

Then let us pray that come it may, as come it will for aa that
That sense and worth o’er aa the earth may bear the dree for aa that
For aa that, for aa that, it’s comin’ yet for aa that
That man to man the wide-world o’er shall brithers be for aa that

For aa that, for a’ that, it’s comin’ yet for aa that
That man to man the wide-world o’ er shall brothers be for a’ that

A man's a man for aa that !